Telespinn i Svartdal

Telespinn er eit lite, lokalt spinneri med butikkutsal på garden Midt-Svartdal. Her produserer Bjørg og hjelparane hennar eige garn og tar i mot fiber for leigespinning. Hos Telespinn blir vi ønskt velkomen av gründaren og eigaren Bjørg som fortel om oppstart og historia rundt spinneriet. Vi får etter det omvising i spinneriet der vi får oppleve korleis ull blir til garn og sjå dei ulike maskinane. Det blir også servert kaffi og kake før besøket blir avslutta  med ein tur i garnbutikken.