web analytics

Events, incentiv, team building

Gratis aktivitetar:

  1. Turgåing opp mot Mælefjell
  2. Turgåing til Bindingsnuten
  3. Ake ned gamlevegen på kjelker
  4. Hygge i grillhytta

Betalte aktivitetar:

  1. Mytisk ølsmaking
    1 time, kr 500 per person (minimum kr 2 500)
    Einkvar gard med respekt for seg sjølv må ha eige øl, så også med Natadal. Kjetil er ølbryggjaren og han elskar å eksperimentere med gamle og nye oppskrifter. Gjestene blir tatt med på ei reise i ølverda frå den lettaste lager til den mørke stouten, og ikkje minst øl som smakar av skikkeleg Telemarksnatur – sju slag til saman. Smakinga vert komplementert med lokale segn og tradisjonar.
  2. Natur/kultursti
    1 – 1,5 timar, kr 2 500 pr gruppe
    Kultursti, med øksekasting, hesteskokast, vasslekkasjehindring og klatrevegg.
  3. Jacuzzi
    Kr 2 000 pr gruppe
    Utandørs jacuzzi sentralt i tunet. Handkle og badekåper til disposisjon.
  4. Brødbaking med surdeig
    3 timar, kr 500 per person (3-5 personar)
    Surdeigsbaking er Tone sin store lidenskap og surdeigskulturen har også fylgt med på eit par flyttelass utanlands gjennom dei siste åra. Ein vil i denne aktiviteten vera med og friske surdeigskulturen, sette brøddeigar, tøme omnen for glør og steike brød av surdeig sett dagen før (vi må ta ein «Ingrid Espelid» då deigen blir best om han får stå ei tid). Vi avsluttar med ein smak av det ferske brødet.
  5. Fjelltur med guide til Mælefjell
    Ca. 5 timar, 10,4 km, kr 600 per person (inkludert matpakke)
    Turen til Mælefjell startar med ein kort køyretur oppover fjellvegen frå Uppigard Natadal. Ved enden av vegen (ca. 800 m.o.h) startar sjølve fjellturen etter merka sti opp til høgaste punktet på Mælefjell på 1414 meter. Fyrste del av turen er litt bratt. Så flatar det meir ut og blir god sti opp mot høgfjellet. Siste delen av turen går gjennom ur med store steinar, mest som eit månelandskap. Denne delen av turen krev godt skotøy. Frå toppen har ein flott utsikt mot Hjartdal. Lunsj blir eigen matpakke.
  6. Fjelltur med guide til Skorve
    5 – 6 timar + 40 minutt køyring kvar veg, 12 – 13 km, kr 600 per person (inkludert matpakke)
    Skorve er fjellet som ligg mitt i synet frå Uppigard Natadal. Skorve har i fleire hundre år vore eit ynda motiv for mang ein stor målar. Denne dagen vil vi ta fjellet frå Seljordsida, nærare bestemt Kivledalen. I tillegg til flott utsikt og vakker natur vil det amerikanske flyvraket frå 1944 vera ein av hovudattraksjonane på turen. Lunsj blir heimesmurt matpakke. Om gruppa er klar for det, tar vi turen opp på Gøysen (1369 m.o.h) som er høgaste punkt på Skorve.

Aktivitetar i omegnen:

  1. Lunsj og omvisning på kunstnarhotellet Nutheim, 3 km
  2. Omvisning på spinneriet Telespinn, 3 km
  3. Tur til Hjartdal med kulturlandskap, mylle og gamal historie, 10 km
  4. Besøk i Eva Bull Holtes biletgalleri, åmotsdal, 20 km
  5. Besøk i Seljord Kunstforenings «Kunstlåve», Seljord, 16 km
  6. Norsk Skieventyr, Morgedal, 30 km
  7. Alpinanlegg, Rauland, 50 km
  8. Telemarkskanalen, «Victoria» og «Henrik Ibsen», Kviteseid, 35 km